Uuzkurtzen ohitu zinen

lainopean itzali arte.

Egoarriaren ama.

Lurraren alaba.

Urrezko eraztuna.

Emakume antzezle paisaiaren hondar zoragarrietan

zorionez kamuflatua.

Zure aurpegi gorria lanez eta garrez betea.

Zure ilea ur berdeko ibai emaritsuan izurtua.

Aitaren begiak naturari irekiak

kontzientzia garbiari,

behi intimoei,

euriaren inozentziari,

emozioen gardentasunari,

ardoaren argi sakratuari,

sentsazioen urrikiari,

garaian ezkutaturiko poesiari,

oroimen miragarriari.

Begi irekiak gurdiaren kantikei,

uztarri leialari,

golde emankorrari eta Airearen Santutasun sakonari.