Biluzik egunsentia azaroz

biluzik eta zurbil eta hain samurra batzuetan

bart arratseko erauntsien ondotik

txolarreak putzuetan ziliportaka hegal harroz

uso garbi baten begi gorri-beltzaren

pean

urtxintxa niri beha

eta bat-batean han doa enborrean goiti

hiriaren bihotz zalapartarian

desio baten arinez.

 

Munduaren haurtzaroan zaude justuki

baina orbelen

lurrin gozoak

zabaltzen zaitu bihotz

iraganeko desioz

ahantziak ustekoz.