NOR ZARA ZU? Nor zara zu, seme berantiar hori? Uste dut aurreko seme-alabez zer edo zer banekiela duda eta esperantzazko lehen egunean bertan. Baina zu, espero gabeko hori, nor zara? zugan, ez nuen inoiz pentsatu. Nolatan helduko zara mundu etsai honetara neuk ere ezagutzen ez bazaitut? Barkatu, seme: zuretzat lekurik ere ez zela iruditu zait eta. Nire bihotza, ikusiko duzu, irekitako granada odoltsua da. Eta ni akitua nago. Gainera, beste seme-alabek utzi didaten nire bizitzaren zati hori kenduko didazu: ia deus ez, baina mingarria zait gelditzen zaidan azken hori gabe gelditzea. Lagundu beharko didazu zu ezagutzen. Eta beharko du zure bizitzak, hain kementsu eta sendo, nirea alaiki irenstea, eta nik, nigandik urrun eta oharkabe, ia damurik ez izatea.
NOR ZARA ZU? |