Nire urrezko ibaian behera,

ur-eguzkiak ditut nik,

baina sekula ez bakarrik.

 

Ur, eguzki, bizi emaile,

biak ditut bidelagun,

ez nintzen etxetik urrun.

 

Eguzki printzak uretan,

bizi, heriotza, denetik,

baina sekula ez bakarrik.

 

Seme-alabak hazteko,

aparra urre pindardun,

ez nintzen etxetik urrun.

 

Bide bihurrian behera,

hurre-urruneko bidazti,

baina sekula ez bakarrik.

 

Bidezidorrak ikertzen,

izar urrunak behatuz,

ez nintzen etxetik urrun.