Ziegak ez du murrurik ZIEGAK EZ DU MURRURIK
Ohi bezala, nire ziegak salbatu egin nau heriotzatik eta pentsamendu ugerretik eta ideia ahituen engainutik. Sabaian nire askatasunaren aurpegia topatu dut, eta laranjondoen baratzea, eta gudako hautsen artean izena galdu zutenen izenak.
Orain banoa amodioa deklaratzera, ederra da hori, beraz, ez egon triste igande arratsetan eta esan errime auzo guztian: eztegua datorren urte hasieran ospatuko dugu.
Txoriek ihes egiten didate ukabiletik, izarrak urrundu egiten zaizkit… eta baita jasmina ere; dantzariak gero eta gutxiago dira eta zure ahotsa garaia baino lehen itzaltzen da, baina nire ziegak, ohi bezala, salbatu egin nau heriotzatik, nire ziegak… Sabaian askatasunaren aurpegia topatu dut, eta zure bekokiak dir-dir egin du murruaren gainetik.
Ziegak ez du murrurik |