Altzifrea hautsi egin da ALTZIFREA HAUTSI EGIN DA
Altzifrea hautsi egin da minarete baten gisa eta loak hartu du bidean bere itzal sotil, berde, bera bezalako ilunean. Horrela. Inork ez du minik hartu. Autoak arin igaro dira haren adarren gainetik, hautsak kristalak estali ditu… Altzifrea hautsi egin da baina usoak ez du bere habia ofiziala auzoko etxera eraman. Txori migrari bi hegaz ibili dira inguruan eta keinu batzuk egin dizkiote elkarri. Andre batek auzokoari galdetu dio: ekaitzen bat izan da, orduan? Besteak erantzun: ez, eta bulldozerra ere ez. Baina altzifrea hautsi egin da. Haren hondar ondotik igaro direnek esan dute: Agian nekatu egin da arretarik ezaz edo zaharregia zen, luzea baitzen jirafa baten lez eta balio gutxikoa inarra baten antzera eta maitemindu birentzako gerizperik ere ez baitzuen ematen. Mutiko batek esan du: nik hutsik egin gabe marraztu dezaket, itxura erraza du marrazteko. Neskato batek esan du: gaur zerua osagabe dago altzifrea hautsi egin da eta. Gazte batek esan du: gaur zerua osorik dago altzifrea hautsi egin da eta. Eta nik neure kautan: ez dago ez misteriorik ez ziurtasunik, altzifrea hautsi egin da, eta hori da dena, hautsi egin da.
Altzifrea hautsi egin da |