Amari AMARI
Minez oroitzen ditut amaren ogia amaren kafea amaren laztanak… Egunetik egunera umetako akorduak handitu egiten dira nire baitan. Eta bizitzari eutsi egiten diot, zeren hilez gero lotsatu egingo naiz amaren malkoekin. Egunen batean bueltatzen banaiz, bihur nazazu zure betileen edergailu, estal itzazu nire hezurrak zure oinatzek bedeinkatu duten belarraz, eta lotu nazazu zure ile-xerlo batekin edo zure jantzi hegaleko hari batekin. Baliteke jainko bat bihurtzea, bai, jainko bat, zure bihotzaren erdia ukitzea lortzen badut. Bueltatzen banaiz, bihur nazazu zure su irazekiaren egur edo zure etxeko terrazako eskegitzeko soka, zeren ezin baitut eutsi zure eguneroko otoitza barik. Zahartu egin naiz. Emazkidazu umezaroko izarrak txori txikiekin abiatu nadin itzulerako bidean zu zain zauden habiarantz.
Amari |