BARATZEAK Jaso ditu laborariak, eskuekin hazta eginez, lehenik, kontu handiz, ez daitezen alferrikaldu, geroxeago, etxolan, irinarekin, su txikian frijituko dituen alberjiniak. O baratzeko iluna udako gau umel sargoria gerturatzen den unean, eta igarotzen dira bikote suharrak, beti ez dakitenak nola egin ahal izango duten plazera ehizatzeko mahastietan. Baina dena ez da egosten sabelpean, dena ez da eromenezko gozotasun likinarekiko bulkada saihestezina. Hitz egin dezagun, orain, eserita erlojuaren plaza zabalean. Kanpai hots gorriak erortzen dira. Ura erretenean. Denboraren jarioa.
BARATZEAK |