HEGAZTI BELTZA Gau honetan usoek burrundara handiago ateratzen dute erlaitzean. Ordu honetan kaleak hutsik daude. Orain da unea zu, hegazti beltz handia, plaza desertutik hegoak moztuta ibiltzeko, besapean egunkari orri tolestu pisuak, sentituz goizaldea gaza heze josturagabe bat bezala aurpegian.
Eguna justu argitzen du iluntasunetik nekez askatuta. Trenen lehen txistukada entzuten duzu, astiro abiatzen dira hiri inguruko munduetatik.
Ez dago oraindik plaza zabal, zuhaitzik gabeko honetan taberna bakar bat irekita trago bat jo dezazun itzultzeko zure onera.
Ez duzu egiaz beste berotasunik arratsaldearen besarkada luzea baino. Esku batek keinu egin dizu, ikusten ez duzun lainozko ektoplasma, ez zara itzultzen ere. Nora zoaz? Ez dakizu. Agian sorbeltzaren hegaldia edo eguzkia ateratzea hodei itsaso batetik nagi, pentsamendu makurrez betea, oroitzapen eta ziurtasun ezerosoz: bizitzak balio du bakarrik erabat gure egin ezin ez luzaz atxiki ditzakegun zoriontasun minezko ezusteko uneengatik.
HEGAZTI BELTZA |