ZAHAR LANA
Joan Vinyoli

euskaratzailea: Aritz Galarraga
armiarma.eus, 2014

 

Iluntzean, aldirietan, pasieran nabil,

sekula aurkituko ez dudan horren bila.

Lotzen ditut minezko hitzak eta bizi izandako

pozen oroitzapenak. Katu gosetuak datoz

ni irenstera. Ametsak, ihes egin duzue.

Ukitu dut harkaitza eta zuhaitza eta pausatu naiz bertan.

Etxera itzultzeko ordua da. Zahar,

poemaren harria daramat eskuan.

 

ZAHAR LANA
Joan Vinyoli

euskaratzailea: Aritz Galarraga
armiarma.eus, 2014