Herri honetan larrutan egiten da ordu orotan

lasaitasunaren orduan eta arriskuaren orduan

larrutan egiten da nor bere emaztearekin eta baita besteen emazteekin ere

senideekin

adin askotariko taldetan

gizonak gizonekin emakumeak emakumeekin

larrutan egiten dute ahal duten moduan herri honetan

herri honetan larrutan egiten da alaitasunik gabe

norberak ez du maitatzen nahiko lukeen moduan

herri honetan triste gaude oso

desgrazia bat gertatu zaigu

eta orain ez dago sosegurik norarik gabeko

bihotzean

eta jendea beldur da

eta denek nahiko lukete abandonatu

eta su-eten baten alde egiten dute aldarri

eta ezin dute maitatu amets egin zuten moduan

ezta onartu ere beste batzuk etorriko direla

gure jauntxotasunik eta gure ezgaitasunik gabe.