OINEZKO ZAMAKETARIA Hogeita bost kiloko zama lepoan bizkarra ederki makurtua sei milia maldan gora haize-elurretan hezur huts bi errupia adinako bizia gorputzean mendiari ekiteko.
Oihalezko kapa hezea soinean, arkakusoz betetako jantzi zarpailak larruaren gainean, pentsamendu tristeak gogoan. Zeinen den handi giza-zirriborro hau! Txioka dabilkio bihotzeko txoria izerditan eta arnasestuka doala.
Mendi hegaleko txabolan ikaran du semea: goseak dago. Lorea bezalako emaztea basoan da asun eta aihen bila.
Behean aberats dator gailur elurtuko heroia Naturaren konkistatzailea. Izerdizko perlatan aberats.
Goian gauaren tapa izarrez josia. Eta gau honetan aberats da logalez ere.
OINEZKO ZAMAKETARIA |