HARAN ALDERANTZ
Primo Levi

euskaratzailea: Xabier Boveda
Labayru, 61 zkia, 2017
armiarma.eus, 2017

 

Furgoiak haran alderantz abiatzen dira,

abarren ke berdexka eta mingotsa bertan lotzen da,

erle bat, azkena, alferrik ari da azpelarren xerka;

lurrak, urez hanpaturik, baratxe urratzen dira.

Lanbroa alertzeen artetik jalgitzen da agudo, deitua bailitzan:

alferrik jarraitu diot neure haragizko pauso astunaz,

laster jaitsiko da berriz euri gisa: amaitu da urtaroa,

gure mundu erdia negurantz nabigatzen da.

Eta laster gure urtaro guztiak amaituko dira:

noiz arte men egingo didate gorputz-atal ontsu hauek?

Berandu da bizitzeko eta maitatzeko,

zerua barneratzeko eta mundua ulertzeko.

Haran alderantz jaisteko

garaia da, musuak ilun eta mutu,

gure zainketen itzalpean babestera.

 

HARAN ALDERANTZ
Primo Levi

euskaratzailea: Xabier Boveda
Labayru, 61 zkia, 2017
armiarma.eus, 2017