“Nik diot hauek joango direla infernura:

kazetari amerikarrak,

matematika-irakasleak,

senatariak eta sakristauak.

Kontulariak eta botikariak

(denak ez bada, gehienak);

katuak eta bankeroak,

enpresa-zuzendariak,

goizean goiz batere beharrik gabe

jaikitzen direnak.

 

Paradisura doaz, berriz,

bekatariak eta soldaduak,

umeak, noski,

zaldiak eta maiteminduak,

sukaldariak eta tren-langileak,

errusiarrak eta asmatzaileak;

ardo-dastatzaileak;

saltinbankiak eta zapata-garbitzaileak,

goizeko lehen tranbian

bufanda baten azpian aharrausi egiten dutenak”.

 

Minos marmar beldurgarrian ari da

Porta Nuovako megafonoetatik

astelehen goizeko larritasunean

zeina bizi ez duenak ezin duen ulertu.