Ez nauzu ni neu izango, herio hori,

harik eta ene bizitzarekin bat egin dezazun eta

horrela guztiz osa nazazun arte;

ene argizko erdia ene itzalezko erdiarekin

batu dadin arte,

-ni munduaren gogamenean

oreka betierekoa izan nadin arte:

aldizka, ene ni erdia,  distiratsu;

aldizka, ene beste ni erdia, ahanzturan.

 

Ez nauzu ni neu izango, herio hori,

zuk, zeure aldian, ene arima

hezur hitsez jantzi dezazun arte.