ESPAINIAKO GIZONA Juan Escandell Ferrer pañolaria Bahia de Mariel baforearen bizkarrean dago jesarria, geldi. Santurtziko mendi lainotuei eraikin zuri-gorriei begira hiria iratzartzen ari delarik Bizkaiko Golko hotzean.
Juan Escandell Ferrer pañolaria jesarririk oraindino, geldi. Botila uretan lez da jausi kontramaisuaren deiadarra. Orain ontzia badoa, itsaso zabalera urten du. Atzean urrindu dira gizonak, etxeak, ontziak, mendiak.
Juan Escandell Ferrer Errepublikako artillero ohia brankara hurreratu da (katu bat pasatu zaio hankartetik) ur grisari begira geratu da une batez. Tu egin. Pañolan sartu. Negarrik ez.
ESPAINIAKO GIZONA |