Vigon, zenbait lagun marinelekin

hiriko karrikarik okerrenetan eta harriztatuenetan

joan zinen ostera bat egitera

(han ikasi zenuen zinez zer den zeru harriztatu bat).

Barre jangosez beteriko taberna ilunetan egon zinen

zenbait prostitutak zeure anaiek abolitu zituzten egunak oroitarazi zizkizuten bar batean jesarri zinen.

“Hor da ukiezineko hori” esan zuen haietako batek

eta gizon txipi, elbarri, txiro bat —jakina— ikusi zenuen.

Ahalegindu zen kantari eta ezin

ahalegindu zen eztulka eta haur baten marrua iduri

irten zitzaion eztula bularretik

bultzaka kaleratzen zutela limosna belarri banatan.

Durduzatu bezala egin zinen

(algarak amilka karrikatik beheiti).

Eta lotarakoan pentsatu zenuen ukiezin hura

besterik gabe, maitasunaren indar karrakatzailea

ezagutzen ez duen gizon bat dela.