NIRE ARIMA EZ DA ZABARRA Nire arima ez da zabarra, Ez du ikararik hodeiek tormentatu mundu honetan: Beldurraren aurka gerizatzen nauten Zeruko gloriak distiraz Ikusten ditut eta Fedeak distiratzen du haien moduan.
O nire golkoan dagoen Jainkoa, Guztiz ahalduna, beti hor zauden jainkotasuna! Nire baitan atseden aurkitzen duen bizitza, Ezin hilezko bizitza, zugandik daukat indarra.
Debalde bihotzak ukitzen dituzten Mila sinesteak, erran ezinezko debalde, Belar hilak edo mugarik ez duen itsasoaren Bitsa alferra baino bertute gehiagorik gabe
Zure muga gabetasunari iltzaturiko Arima baten duda ereiteko, Betikotasunaren harkaitz higi ezinari Ainguraturiko arima hartan. Zure izpirituak urteen betikotasuna Animatzen duen amodio sutsu horretatik; Hegalda eta nagusi dagoen gain aldeetatik, Aldatzen du, sustatzen, desegiten, sortu eta bizi araziz.
Lurra eta ilargia desagertzen balira ere, Munduak eta eguzkiak izateari utziko baliote ere Eta zu baizik ez bazina, Zugan izate guztiak liraukete.
Ez da lekurik heriotzarentzat, Suntsitu ez dezakeen atomorik ere ez, Izaera eta Hatsa zarelako Eta zu zarena suntsiezina delako.
NIRE ARIMA EZ DA ZABARRA |