GAU BAT VAUQUOIS-EN Gauean argitzen duen ezbaiko kriseilu baten antzo altxatuko da ilargia zurbil eta hits parapetoaren gainetik zeruan zehar garraiatzen duen bere aurpegi moztuarekin, saminik gabe.
Aterpe, lubaki, tontor, zaku, zur ihar, burdinki, lapinzulo faltsuen aurkintza kaotikoa du argitzen aldizka itzal fantasma sumatzen diegun zaunken artean.
Noizean noiz, errubako biktima, zuhaitzen batek bere motzondo beltz eta zirtzilatuak luzatzen ditu bere zinezko jainkoaganantz ontasunaren eta errukiaren jainkoaganantz, krimen hauen guztien akabantza erregutuz.
Goizean itzaltzen den ezbaiko kriseilu baten antzo hilko da ilargia hits eta goibel parapetoaren ertzean zeruan zehar garraiatzen duen bere aurpegi moztuarekin, saminik gabe.
GAU BAT VAUQUOIS-EN |