I

 

Putzua eta mina egiteko

egiteko mina eta putzua

gure izardunek daukate min

handi, handi, oso handia eta gero

putzua eta mina egiteko

kapitainak egin du agindu

lotinantek egin dute errepikatu

sarjentek egin digute begiratu…

eta paladunak egin du lana

minan

minez

 

Paladun zintzoa,

langilea zarela zinez…

 

II

 

Minez jarraitzeko

putzuaren hondoko minaz

gure izardunek nolako muturra

ohi baino minagoa, eta gero

min honetaz jarraitzeko,

kapitainak egin du zalantza,

lotinantek egin dute kalkulatu,

sarjentak egin dira lerrogabetu…

paladunak egin du jarraitu

minan

minez

 

Paladun zintzoa,

langilea zarela zinez…

 

III

 

Halako batean zapart egin du minak

putzuaren hondoko minak.

Gure izardunek are minago muturra

eta gero, zapart egin duenez minak,

kapitainak egin du eztula

lotinentek egin dute dutea

sarjentek egin dute alde…

paladun txipiak egin du jauzi

minan

minez

 

Paladun zintzoa,

horra harra haragiminez…