VAUQUOIS-ERA BURUZ Errepide txikiaren ezpondan hildako bat, gero bi, gero hiru. Etzanak daude zaku hutsen gainean gorputza uzkur, atzamarrak hertsi, azala zurbil.
Iduri luke, nolabait, guri begiratu daudela oraindik.
Ikara ematen du begiratu horrek. Nekez bada nekez, hauxe esan nahi lieke harantz doazenei jakin minez: Zoazte. Erraz husten da adurra errege duen bizitzaren anfora.
Adurrak nahi badu bertan eror zaitezen, estalkitzat aurkituko duzu, ez hilobirik baina bai nabarlorerik, zitoririk, mitxoletarik eta guztien ahanztura. Zoazte. Bihar zuen anaiek ikusi ahal izango dute noski, oihartzunik gabeko begiratu zintzoan hildako bat, gero bi, gero hiru errepide txikiaren ezpondan.
VAUQUOIS-ERA BURUZ |