|
ETORRIKO DA HERIOTZA ETA ZURE BEGIAK IZANGO DITU KATUEK BAIETZ JAKIN
Euria eroriko da oraindio zure lauzadura eztien gainera, euri lanbro bat izango da hats edo urrats baten antzo. Brisara eta goizalba oraindio orain loratuko dira zure ibiliaren pean bailiran, arra-itzuliko zarenean. Lore eta leihotarteetan katuek baietz jakin.
Izango dira goizak gehiago, ahotsak izango dira gehiago. Irrifar egingo duzu bakardadean. Katuek baietz jakin. Hitz zaharrak adituko dituzu, hitz nekatuak eta hutsalak atzoko festetarako jantzi hondatuak lakoak.
Zuk ere keinuak egingo dituzu. Hitzak erantzungo dituzu— udaberriko musu, zuk ere keinuak egingo dituzu.
Katuek baietz jakin, udaberriko musu; eta euri lanbroa, hiazintu koloreko goizalba, gehio itxoiten etzaituen haren bihotza urratuz, bakardadean irrifarka duzun irrifar tristea dira. Izango dira goizak gehiago, ahots eta esnaldi gehiago. Goizalbarekin sufrituko dugu, udaberriko musu.
ETORRIKO DA HERIOTZA ETA ZURE BEGIAK IZANGO DITU |