Jakin, badakit patua zain dudala

hor nonbait, hodei goren artean:

gudukatzen ditudaner herrarik ez diet,

ez amodiorik zaintzen ditudaner;

Kiltartan Cross duzue nire herria

eta bertako bizilagun paubreak nire erkideak.

Hondarrean, zernahi gerta ere, haiek ez dira

malerusago edo zoriontsuago izanen.

Ez legeak, ez ohoreak ez naute akuilatu borrokara,

ez plazako gizonek edo jende-andanen esku-zartek ere,

soilki laketasun bulkada batek bultzatu ninduen

hodei arteko zalaparta honetara;

dena aztertu nuen, dena hartu kontutan,

etorkizun ziren urteek laino hutsa iduri zuten,

laino hutsa, halaber, iraganekoek,

bizia eta herioa orekan ziren, berdindurik.