Gaua hain izan da estrainioa ematen zuela

Buruko ilea latzaraziko zidala.

Eguzkiaren abailtzetik hona amets egin dut

Emakumeek, lotsor edo basati,

Farfailez edo zetazko ehunez ipurditan,

Nire eskailera kraskakorretan gora igoten zutela. Irakurria zuten

Zer izugarri horren gainean bertsotan nuen oro

Elkarrekiko maitasun, ondikotz, erantzun bakoaz.

Atean paratzen ziren, bai eta paratu ere

Nire zurezko atrile handigaitz eta sutondo bitartean

Euren bihotzak taupaka sendi nitzakeen arte:

Puta da bata, eta umea bestea

Ezein gizonezkori desiaz egundo begitu ez diona,

Eta hirugarrena, baliteke, erregina bat.