Ilunabarreko argia, Lissadell,

Leiho zabalak hegoaldera begira

Bi neska sedazko kimonoz,

Biak eder, gazela, bat.

Baina udazken inauskai zorrotzak

Udako koroan loratu;

Zaharrena, hiltzera kondenatua,

Barkaturik, bakardade urteak eman ditu

Ezjakinen artean azpijokoan.

Ez dakit zer amets dituen gazteak:

Utopia lausoren bat, agian,

Halakoxeren irudi baita bilakatu

Atso ximel hezur-huts bihurturik.

Maiz izaten dut oraindik

Bata ala bestea topatzeko gogoa

Eta berriro gogoratu

Georgiar etxe zahar hura,

Oroimenaren irudi nahasiak,

Gaztetako mahai hura, hitz haiek

Gogoratu berriro,

Bi neska sedazko kimonoz,

Biak eder, gazela, bat.

Itzal maiteak, badakizue orain

Zein den eromen borrokatzea

Zuzen ala oker den guztiarekin.

Errugabeek eta ederrek

Denbora baizik ez etsai;

Zatozte eta egidazue erregu piz dezadan pospolo bat

Eta piztu zuek beste bat, garaiz den artean;

Eztandarik ez dadin izan,

Egin lasterka jakintsu guztiek jakin arte.

Itzaldegi handia eraiki genuenok,

Kondenatu gintuzten, errudun;

Egidazue erregu piz dezadan pospolo bat eta itzali.