MADARIKATUTAKO GAZTEEN ALDEKO ERESERKIA Zelango ezkila-hotsak ardien antzera hiltzen direnontzat? Soilik armen dunbots lizunak, soilik iskiluen durundi totelak isilduko lituzkete euren erregu azkarrak, ez hileta hutsalek, ez ezkilek, ez otoitzek ez abesbatza eroen gainetiko auhendarien ahotsek, ez intziri dagiten kanoien koru karrankariek edo eskualde hitsetatik deika ari diren turutek.
Zein kandelari eutsiko diogu agur honetan? Umeen eskuetan barik, euren begietan distiratuko du azken agurraren su sakratuak. Aurpegi zurbila izango dute hil-zapitzat. Arima samur, loreak apaingarri, eta arratsero, errezelak astiro-astiro zarratuko dituzte.
MADARIKATUTAKO GAZTEEN ALDEKO ERESERKIA |