GAZTEAREN ETA ZAHARRAREN PARABOLA Jalgi zen Abraham bai, basoak zeharkatu zituen. Aldean eroan zituen sua eta aiztoa. Eta bidea elkarrekin egiten ari zirela Isaac seme nagusiak hala galdetu zion: "Aita, burdina eta sua daroatzazu, ostera, non duzu sakrifiziorako arkumea?" Abrahamek gaztea sokaz lotu eta lubakiak, parapetoak eta enparauak eraiki zituen. Aiztoa eskuetan zuela, bat-batean, Zerutik aingeru batek ohartarazi zion: "Uztazu mutikoa, ez egiozu minik eman. Hor duzu aharia, zuhaixkan kateaturik, oratu adarretatik, sakrifiziorako eskaintza hobea duzu".
Baina zaharrak ez entzunarena egin eta semea hil zuen baita banan-banan, Europako gazte guztiak ere.
GAZTEAREN ETA ZAHARRAREN PARABOLA |