ZERGATIA
Cecilia Meireles

Motivo
euskaratzailea: Koldo Izagirre
armiarma.eus, 2016

 

Unea badelako naiz kantari

eta nire bizitza beterik delako.

Ez naiz pozik ez naiz tristerik,

poeta naizelako.

 

Gauza iheskorren senide

ez naiz atseginean ez oinazean.

Gauak eta egunak ditut igarotzen

haizean.

 

Suntsitzen dudan edo eraikitzen

desegiten edo irauten dudan

ez dakit, ez dakit. Ez dakit nagoen

edo noan.

 

Kantari naizela dakit. Eta kantua da oro.

Betirako odola bertsoaren hegalak.

Eta badakit isilduko naizela halako batez:

besterik ez.

 

ZERGATIA
Cecilia Meireles

Motivo
euskaratzailea: Koldo Izagirre
armiarma.eus, 2016