BERRASMATZEA Bizitza ez da bizigarri berrasmaturik baizik.
Zelaietan zehar dabil eguzkia eta uretan, loretan pausatzen du urrezko eskua... A, oro dira burbuilak ilusionismoaren piztina sakonetatik etorki... —besterik ez.
Baina bizitza, bizitza, bizitza, bizitza ez da bizigarri berrasmaturik baizik.
Zatoz ilargi, zatoz, ken itzazu nire besoetako burdinak. Jaurt egiten dut zure Irudiaz beteriko espaziotan. Oro gezurra! Ilargiarena, gau ilunean.
Ez zaitut kausitu, ez zaitut atzematen... Bakarrik —denboran orekatua, denboraz haratago naraman balantza dut kentzen. Bakarrik —ilunpean tinko: hartua eta emana.
Bizitza, bizitza, bizitza, ez baita bizigarri berrasmaturik baizik.
BERRASMATZEA |