Igurika nazazu ordu zehazturik gabe, koartza lepo-zuria

lurra zapaltzeke pausatzen den lekuan.

Igurika nazazu ibaian, 

itsasotik urruti baitago.

 

Igurika nazazu laino argi hauetako gauean

argi artifizialik gabe.

Igurika nazazu eguzki isil eta gordinetan

jartzera gonbit egiten duen edozein ataurretan jarrita.

 

Igurika nazazu zaharrago, gazteago, urterik gabeago,

denborarik gabeago; agian

nigandik eta egia orotatik

gertuago.

Biluz eta jare, oraindik zibilizatu ezin izan duten

ume indiar baten gisa.