Zuhaitzak idealtasunaren

irakasleak dira

Hain soilak eta duinak

eguzkitan zein ekaitzpean.

Adorez irauten dute.

Hantukeriarik gabe emanak.

Azal zaharraren atzean

aktualitatearen izerdia hazten dute.

 

Lore azpian fruituak aletzen dira.

Orbel hil eroriak

bizitza berrien oinarri dira.

Zuhaitzek elkar bilatzen dute;

elkar babestu eta senidetzen dira.

 

Haizeari bide eman eta kantuari abegi egiten diote.

Lehorte luzea susmatzen dute.

Barre egiten dute, kementsu, erriberan.

Eta eraz eusten dute eremu latzean.

 

Dauden lekuan egon daude; eta

bizirik zein hilda, mesederako dira;

janari, itzal, zur;

amildegian harresi,

eta urratzen den ibilbidean munarri.