Enbor hilak, ibaian,

oraindik bizirik daude.

Daramatzan urari

itxura ematen diote.

(Arkuak, giharrak, sareak,

sugeak…)

Beren historia astintzen dute,

uraren kontra, lepo baten gisa.

Bazterrean bizi izan ziren,

ur hezetsu honen gainean;

eta bazterrean hil dira

ur traidore honen azpian.

Haien gainean pausatzen den

txori libre bakoitzak

izen bat darama eta bere data,

oinaze bat eta bere gloria.

Hildakoak nirekin

bizi dira orain, ibaian.