EMAN DIOK INOIZ MOSUA PANTERARI?
Charles Bukowski

Have you ever kissed a panther?
Hezurrezko xirulak, Elkar 1991
euskaratzailea: Joseba Sarrionandia
armiarma.eus, 2020

 

Andere horrek bere burua panteratzat dik

eta batzuetan larrua jotzen ari garenean

marmarka eta txuka hasten duk

eta ilea aurpegira jausten zaiok

eta kirruen artetik begira

ere letaginak erakusten dizkik

baina nik mosua eman eta larrutan

jarraitzen diat.

Eman diok inoiz mosua panterari?

Ikusi duk inoiz pantera emea

amodioz gozatzen?

Ez dakik amodioa zer den, amigo,

Heure errubia tindatuekin

Heure urtxintxa eta ardiekin.

Panterarekin oheratu eta

harrezkero ez huke desiratuko

ez urtxintxarik, ez elefanterik, ez ardirik,

ez azeririk, ez otsandarik.

Deusere ez salbu eta pantera emea

pantera emea heure logelan barrena paseatzen

pantera emea heure ariman barrena

paseatzen;

saminerako amodio kantu guziak gezurrezkoak dituk

larru beltz lehun hori heure kontra

eta zerua heure bizkar gainera erortzen denean,

pantera emearen ametsa egia bihurtzen duk

eta harrezkero ez zagok itzulerarik

ez itzultzeko gogorik;

bere larrua hire kontra igurzten delarik,

hire zakila paradisuaren ertzean

altxatzen delarik,

hi heure panteraren begietatik

zintzilik hagoenean

aurkitu dik aspalditik xerkatzen zuena

 

 

Have you ever kissed a panther?

This woman thinks she’s a panther / and sometimes, when we are making love, / she’ll snarl and spit / and her hair comes down / and she looks out from the strands / and shows me her fangs, / but I kiss her anyhow and continue to love. / Have you ever kissed a panther? / Have you ever seen a female panther enjoying / the act of love?

You haven’t loved, friend. / You with your squirrels and chipmunks / and elephants and sheep. / You ought to sleep with a panther, / you’ll never again want / squirrels, chipmunks, elephants, sheep, fox, / wolverines, / never anything but the female panther. / The female panther walking across the room, / the female panther walking across your soul; / all the other love songs are lies / when that black smooth fur moves against you / and the sky falls down against your back, / the female panther is the dream arrived real / and there’s no going back / or wanting to. / The fur up against you, / the search over /

and you are locked against the eyes of a panther.

 

EMAN DIOK INOIZ MOSUA PANTERARI?
Charles Bukowski

Have you ever kissed a panther?
Hezurrezko xirulak, Elkar 1991
euskaratzailea: Joseba Sarrionandia
armiarma.eus, 2020