nire taktika zuri begiratzea da

zarenetik ikastea

zaren hori maitatzea

 

nire taktika zuri mintzatzea eta entzutea da

hitzen bidez

zubi suntsiezina eregitea

 

nire taktika zure oroimenean geratzea da

ez dakit zelan ez zergatik

baina zure baitan geratzea

 

nire taktika leiala izatea da

eta zeu ere leiala zarela jakitea

eta elkarri itxurarik ez saltzea

oihalik eta leizerik sortu ez dadin

bion artean

 

nire estrategia, ostera,

sakonagoa eta soilagoa da

nire estrategia hauxe baita:

egunen batean

ez dakit zelan ez zergatik

azkenean zuk ni behar izatea