Sarritan eskifaia-gizonek txantxaz, albatrosak

ontzi-biran hegan dabiltzala, lagun izan uste,

trebe izan arren zeharkatzen ekaitz-harrabotsak,

itsas-txori handiak atzeman egiten dituzte.

 

Ontzi gaineko zolan askatu duten bezain pronto,

urdin zabaleko erregeak trakets, baldar, dorpe,

hegal zurizkak baldats zabaldu ditu tonto-tonto

alde bietara arrastaka, arraunean ote...

 

Hegazti bidaiari zantarra, benetan zabarra!

Arestian hain ederra orain, aldiz, itsusia!

Batak mokoan jaulki du pipa-motzeko txingarra,

besteak herren imitatzen du hegazti jausia.

 

Lainoetako printze horien pare da Poeta:

arin ekaitzetan geziari itzur egiteko;

zolan ordea, oihu artean umilduz kopeta,

hegalen handia traba zaio libre higitzeko.

 

(Spleen eta ideala atala)