Galderarik egin gabe... Galderarik egin gabe elkar maite duten emakume horiek emakume gozo eta estuak, kalexkak bezalakoak, musu anker eta sinu mingotseko ahoak, ardoa bezain ubelak diren berbak dituztenak.
Ni bizi izan naiz, egin dut barre elkar maite duten emakumeekin, etzan naiz berekin ohe gain beroetan, beren ondoan maitatu izan dut mugarik gabeko sukarrez eta gaur egun haien izenak doi urratzen didate distantzia.
Emakume horiek berbarik gabe maitatu izan ditut hala maite ditut egun ere, denborak ez baitakar beste irririk, eta gauero, ametsetan, haien eskuak datozkit bisitan bidaia luze baten osteko elkar topatze agurrean.
Galderarik egin gabe... |