Zure misterio bortitzean gora

odola baino harantzago,

ahaztura baino harantzago,

urrun, denboraren mugetaraino.

Jakin hor zarela, arrats zolian egun argitzen,

zure zangoen dasta sakonean,

zure aho babesgabean nire musua zut,

zure ateak zabaltzen,

zure hondar gordeak mihizten,

gorantz datorren marearen amorruz.

Zure mihiaren arrosa aurkitzen,

zure bandera gorria.

Orenak errotik erauzten,

isil-gordean sortzen.