Eguneroko soineko esanekoa,

ezin diozu beti itxura

gazte eta aparteko horri eutsi.

Mugak ikasi beharra daukazu:

haserrea, aisia, loa;

hareaz zamatu haize

 

gaixto horren seinale

gutxi horiek: denbora;

gizendu beharra duzu, zabartu

izen zikinduko zaku

zaharra bihurtu.

Lehortu, bada; zaildu; higatu;

 

eta barkatu, berri zinela

zu erakusteko festa builosorik

ez aurkitu izana, hala nola

arropak, moda aldatu arte,

eskubide duen moduan.