gogorra behar du izan

aingirei burua moztea

norberaren atzamarrak moztu gabe

gorputza bihurritzea,

bisiguaren ezkatek estali ez zintzaten

oheko izaren soka-lasterrei ihes egitea

 

gau itsuetan

uretan ikaragarri hazten ziren garbantzu aleen aurka

burutzen zenituen gudak

zeregin hutsala

dilistak arroz aleetatik banatzea

 a ze inpotentzia esne egosiak gainez egitean

geldiezin

 

zartaginen zaratotsak ez zizun

musika entzuten uzten

zure frantses eta alemanaren ezagutzak

alferrikakoak ziren sutegiko koipeen aurka

eta hoditeriak umeak bezala oihukatzen zuen

kalatxoriak eta patatak

kazola hondoan itsasten zirenean

 

zergatik zaude argazkietan irribarrez

ama?