ODOLEZ GORRITUTAKO ORBANA NAHI DUT IDATZI Odolez gorritutako orbana nahi dut idatzi odol tantak eta koaguloak jarioan barrutik barrura. Urre-horiz idatzi nahi dut izpi zeharrargiz bost axola ulertzen ez bazait. Ez dut galtzekorik. Beti bizi izan nauen bortxaren alde egiten dut trabes, garrasi garratz eta zorrotz eta luzea, bota ez nuen garrasia gizalege fatsuaren erruz.
Hemen doa baina ene orroa nire errai sakonak urratuz hil-hats desiratua jaiotzen den horretan. Mundua hartu nahi dut garrasiak eragindako lurrikararekin. Nire bizitzaren klimaxa heriotza izango da.
Ideiak idatzi nahi ditut hitzik xahutu gabe. Biluzik egotea baino ez zait geratzen: ez daukat besterik galtzeko.
ODOLEZ GORRITUTAKO ORBANA NAHI DUT IDATZI |