ENE JAINKOA, EMADAZU ADOREA Ene Jainkoa, emadazu adorea hirurehun eta hirurogeita bost gau eta egun bizitzekoa, denak ere Zure presentziaz hutsik. Emadazu adorea hustasun hori asetasun gisa hartzeko. Egizu zure maitale umila bainintzan, Zurekin zoraduran lotua. Egizu hustasun ikaragarri honekin hitz egin dezadan eta trukean jaso elikatu eta kulunkatzen duen amaren maitasuna. Egizu izan dezadala Zu maitatzeko adorea, nire gorputz eta arimarekiko zeuk egin ofentsak gorrotatu gabe. Egizu bakardadeak suntsi ez nazan. Egizu izan dakidan ene bakardadea konpainia Egizu izan dezadan aurre egiteko adorea. Egizu jakin dezadan hutsadiarekin egoten eta era berean sentitzen guztiz ase banengo bezala. Jaso ezazu besotan Pentsatzearen nire bekatua.
ENE JAINKOA, EMADAZU ADOREA |