Garretan dauden aldirietatik jaisten diren animaliek,

Beren hegats hiltzaileak astintzen dituzten txoriek,

Zeru beilegi izugarriek, hodei biluziek

Irudi hau ospatu dute beti.

 

Ederra da, maitasunaren irudi bizia.

Oi eguerdiko elurzurbila, sabel guztietan ekia,

Oi ametsaren sugarrak aingeru aurpegi batean

Eta gau guztietan eta aurpegi guztietan.

 

Isiltasuna. Bere ametsen isiltasun distiratsua,

Hodeiertzaren fereka. Bere ametsak gureak dira

Eta bere ezpatan jartzen dituen desira eskuek

Zirimolekin mozkortzen dute mundu liberatua.