Ezkerreko sorbaldan lore bat ari zitzaizun hazten,

ez zuria, ez gorria, ez horia,

lore mitikoa.

Ezkerreko sorbaldan lore bat ari zitzaizun hazten,

ez zuria, ez gorria, ez urdina,

maitasun lorea.

Ezkerreko sorbaldan lore bat ari zitzaizun hazten,

lore mitikoa,

eta nik maite izan zintudan.

Ezkerreko sorbaldan lore bat ari zitzaizun hazten,

ez zuria, ez gorria, ez horia,

eta Hiru Mila Erreka izan zen zure izena.

Zure sorbaldan lore bat ari zitzaizun hazten,

ez zuria, ez gorria, ez urdina,

eta neska mitikoa izan zinen zu.