101 Germanian elbarri dagoen euskaldunak, ez baitu, eri bada, adierazten ahal, sendagailurik ezin diezaioke eman inongo sendagilek, ez bad(a) Espainiakoa, haren gaitzaz baituke ezagutze haboro eta hob(e) ulertuko du haren nolakoa. Hala, bada, ni arrotz lekuan naiz jarria non zuk beste inork ez laguntzen ahal bainau.
Hain begi ahaltsuak ikusi nituen nik mina ematen eta atsegina agintzen, halako kemena nik imajinat(u) ene gain, non ene gazteluan jopu izan bainintzen. Keinu bat nik ikusi nuen, ahots bat entzun gorputz sotil batena; et(a) armadun gizon bat beldur nezakeela zin egingo nuen hau, haren oinetaratu nintzen gudurik gabe.
Hala nola umea bere kalean zehar ongi baitak(i) ibiltzen bere adinerako, menturaz haitz artean burua badakusa, beldur baita: ez daki zangoa non ezarri; aurrera jotzea, ez baitakusa oinatzik, ez du nahi, et(a) ezin bide laurik erabil; itzultzen er(e) ez daki, bestek eraman baitu berak, berez, bidea ibilik(o) ez baitzuen.
Ene begiek egin dute horren bokata, nah(i) izan dute ene sentsuek han nahasi; ni penaz nago, baina ezin dut aurre egin, penarekin plazeren bat, han nahasi baita. Amodiok nahi nau, Fortunak nau aldentzen: halako kontrakoak ezin ditut gainditu. Amodio gabe ez duket sendagailurik esan zaidazu, bada, nitaz zer uste duzun!
Lotan, iratzarririk, badut apet(a) ikusten nor maite dudan, nor den, zer bali(o) ote duen, eta habor(o) aurkitu, handiago zait mina, pentsuak eragiten baitit zoraldi gaitza, bai, eta hain handia, non haren erdeinua el(e) urri, den gisako maila, maite baititut gehiago frantsesen errege izan baino, eta bertan nadila hil, gezurra badiot!
Zure nahi ezak dit pizten ene nahia eta zure begiek hauts(i) ene babeskia. pentsuak garaitu nau jada, azpijanean: Zure zuhurtziaren atxilo beldurti naiz. Zure keinuak dizkit egintzak bararazten eta ene nahia, ezin du barat(u) ezerk Negutean kiskaltzen, udan berorik gabe arriskuok didate sari txar ekarriko.
Eder zentzudun hori, zernahi lan txiki da ene lehiarako zu urrun ikustean zeren zure hurrean ezerk ezin nau histu eta zugandik urrun on oro nekedun da.
101 |