39 Ene esanak aintzat har ez bitza alaiak edo aldiren batez triste izan ez denak, eta gaizkiengatik grinek hartua denak toki ilunean ez bez(a) ezkuta tristura; pentsu asaldatua bez(a) irakur hitzotan, antze gabe ehoak burutik joan denak. Eta min horretara bulkatzen nauen kausa Amodiok badaki, bera baita zioa.
Zati bat, ez txikia, aurkitua izan da atsegin handikoa, tristearen pentsuan eta orok banaute min handiz begietsi plazera izan zuen ene arimak lagun. Amodio sotilki nigan bizi denean, halako plazera dut non ez bainaiz munduan eta, ber(e) obra sakon ikusi nahi dudanez minarekin nahaste atsegina hartzen dut.
Eremutar bizitza laster no(a) egitera Amodioren jaiak hobeki ospatzeko hain bizitza arrotza ez bez(a) inork deitora bere gorterako dei baitagit Amodiok. Eta nik, soilik berez maitatzen dudan honek, ematen ahal didan doe(a) ukatu gabe, haren tristezian dut atsegin etsitzea eta bai bizitzea tristatua betiko.
Ene adimendutik ez dut baztertzen ahal egia dela, eta lagunkide hobea haren goibeltasuna ezein atsegin baino, beti eskaintzen baitu ahultze eztitsua. Ene atseginaren alderdiren bat bada gizon tristatu orok hartzen duena, zeina, oinazean,negarrak bihotz-arintzenago baitu, mund(u) osoaren urrikalmenak baino.
Agirakatuko nau, nik uste, jende askok hain goratzen dudanez bizimolde tristea; baina nik, haren aintza begietsia baitut, haren gaitza nahi dut, plazera dakarrenez. Eskarmentu(a) izan ezik ezin daiteke jakin maitatze soilean den plazer guztiz handia benetako maitale izanik, eta hala burua ikusirik, maite duenarentzat
Lahar artean lili, Jaunak diezazula ager, nola zugatik burura heldu naizen; ene ahalmenez nau Amodiok lurrera muga gabe ahaldun den bere hura gabe.
39 |