ARDOAREN KOPLAK Dolu gabe, baina urduri ahotsean dut herrena entzule guztiei diet galdegiten barkamena
Nire hilkutxa aurpegiz nire inguma zaharrez neroni festa nagusi honetan nauzue aurrez
Bi arima bikik badute ardoarekin mintzoa botila hori ez ote da zintzoenetan zintzoa?
Ardoaren boterea miresle-nahasle duzu sua elur bihurtzen du harria bihurtzen du su.
Itsasoa, hogei legoako botak, ardoa oro da alfonbra magiko, eguzki, zazpi mihidun loroa.
Batek egarriagatik besteak zorrak ahanzteko neuk izarretan apoak sugandilak ikusteko.
Inork edaten ez badu bere odolezko basoa ezin izan nire ustez oso pertsona osoa
Ardoa edan daiteke lata, buztin, kristalean hobe azuzena, fuxia, lirio baten magalean.
Bere zorrak kitatzeko behartsuaren tragoa negar malkoz edo grebaz kitatzea zailagoa.
Aukeratu behar banu perla edo diamante mahats zuri-beltzen sortaren egingo nukeen galde.
Itsuak kopa eskuan dakuski pindar eztenak eta cueca dantzatzen du jaiotzetiko herrenak.
Inspirazio zintzoaz ardoa zurrupatzera neskatxa baten musuaz soilik daiteke aldera.
Gaueko eguzki alde beraz egiten dut topa ardo gurenak bihotzak senidetu ditzan opa.
ARDOAREN KOPLAK |