Zure seme-alabak datozkizu berriz

alferrikako bidaien galerna eta ekaitzetan.

Uhinaren kizkurraz eta haize-zuriaren gurguriaz,

Ekialdeen urreaz

Eta mendi harroen gailurretako

eguzki sartze garaiko purpuraz

Eta argia edateaz ase diren sabanez

Berriz datozkizu

alferrikako bidaien galerna eta ekaitzetan.

Xukatu zure malkoak, Afrika,

Zorigaitzezko

eta loriazko

iturri guzietan

edandakoa baitzara,

Gure zentzumenak zabalduak dira

zure ederraren dirdirari

zure basoen lurrinari

zure uren xarmadurari

zure zeruaren gardenari

zure eguzkiaren ferekari

Eta ihintzez perlatutako zure berdearen lilurari.

Xukatu zure malkoak, Afrika!

Zure seme-alabak datozkizu berriz

eskuak jostailuz mukuru

eta bihotza amodioz enpo.

Haien ametsez eta haien esperantzez

bezti zaitezen datozkizu berriz.