Nire ametsa

ez da mendian

etxalde bat edukitzea

arrano-habia bat Kilimanjaron,

eguneko gogoetek

loratutako urmaelak,

urrezko distirak

ispilatzen diren parketak.

 

Nire ametsa

ez da gigante

bakarti bat izatea

marmorezko gazteluan,

«luxuzko kabinako» bidaiaria.

 

Doinua ene egunetako isiltasunean.

Kriseiluak ene ilunpeko bidean

Non gure maitasuna izar multzotan marrazten den.

 

Nire ametsa

zurekin

egotea da;

zure eskuetan

sentitzea

ene suaren

karra

zugan

ene maitatzeko

grina.

 

Nire ametsa

da

zurekin egotea

gaur arratsean.

Beti