Walcott, Derek. Antilletako idazlea (Saint Luzia, Antilla Txikiak, 1930-2017). Trinidadeko uhartean hazi zen eta Jamaikako unibertsitatean egin zituen ikasketak 1950-1954. urteetan. Ingelesezko poeta nagusietakoa zen (Beste amodio bat; Poema hautatuak, 1964-1977; Omeros, 1990) eta antzerki idazle gisa ere nabarmendu zen (Tximinoaren mendiko ametsak, 1972; O Babilonia, 1976; Azken ihauteria, 1989). Bere afrikartasunari uko egin gabe betiere, Antilletako lurra eta giroa eta bertako jendearen jatorri anitza zituen kantagai bere poemetan. Bostongo unibertsitateko literaturako irakaslea izan zen. Literaturako Nobel saria irabazi zuen 1992. urtean.

[Idazleari buruzko informazio gehiago]