Artaud, Antonin. Idazle eta antzezle frantsesa (Marseilla, 1896 - Ivry-sur-Seine, 1948). Talde surrealistako kidea izan zen garai batez, bi poema liburu argitaratuz: L'ombilic des limbes (Linboen zilborra, 1925) eta Le Pèse-nerfs (Kirio pisatzailea, 1927). Charles Dullin-en taldeko antzezlaria, Alfred Jarry antzerkia fundatu zuen 1930ean Roger Vitrac-ekin. Bestalde, Le Théâtre de la cruauté (Ankerkeriaren antzerkia, 1932) eta Le Theâtre et son double (Antzerkia eta bere bikia, 1938) saiakerek eragin sakona izan zuten antzerki zuzendari askorengan, hala nola Roger Blin, Jean-Louis Barrault edo Julian Beck-engan (Living Théâtre). Artauden arabera, antzerkiaren berezitasuna keinuak ematen du. Filmetan ere parte hartu zuen aktore gisa, Abel Gance, Theodor Dreyer, G.W. Pabst, Raymond Bernard, Fritz Lang eta beste zenbait zuzendariren lanetan.

[Idazleari buruzko informazio gehiago]